საქართველოში კორონავირუსი კიდევ ერთ პირს დაუდასტურდა

„ჩატარდა ტესტირება 15 პაციენტზე, მათგან 14-ზე მივიღეთ ნეგატიური პასუხი და ერთი პაციენტის ტესტი იყო დადებითი. იგი გახლავთ ბოლო სამი შემთხვევის ერთ-ერთი კონტაქტი. ამ ეტაპზე, ჩვენთან დადასტურებული წევს 29 შემთხვევა. გუშინ ერთი გაეწერა, გუშინვე მოთავსდა ერთი და დღეს გაეწერა ერთი. შემოსული ახალი პაციენტის მდგომარეობა დაიწერება, როგორც საშუალო სიმძიმის. დღეს ჩაუტარდება მას განმეორებითი კვლევები. დანარჩენი პაციენტების მდგომარეობა სტაბილურია“, - განაცხადა ეზუგბაიამ.

ამ ეტაპზე, ინფექციური საავადმყოფოს სტაციონარში ჯამში 45 პაციენტია.

[sknews.ge]