‘ჩვენთან პაციენტების რეკორდული რაოდენობაა’– ინფექციურის დირექტორი

თენგიზ ცერცვაძის განმარტებით, ბოლო დღეებში დადასტურებული შემთხვევების რაოდენობამ მოიმატა.

„ბოლო დღეებში დადასტურებული შემთხვევების რაოდენობამ მოიმატა. დღეს ჩვენთან პაციენტების რეკორდული რაოდენობა - 50 პაციენტი წევს. მათგან 18-ის პასუხი უკვე მოვიდა და უარყოფითია. ასე, რომ 18 პაციენტი უახლოეს პერიოდში დატოვებს კლინიკას და წავლენ თვითიზოლაციაში, ან კარანტინში. დადასტურებული შემთხვევა კლინიკაში გვაქვს 11. ამ პაციენტებიდან ორი დაინფიცირდა ირანში, დანარჩენი - იტალიაში, ხოლო ბოლო ორი პაციენტი იტალიაში დაინფიცირებულებთან კონტაქტის შედეგად".

მისივე თქმით, დაინფიცირებული პაციენტებიდან ერთის მდგომარეობა საშუალო სიმძიმისაა და იგი განსაკუთრებული ყურადღების ქვეშ იმყოფება: "მას აქვს ორმხრივი სერიოზული პლევმონია და უტარდება სერიოზული მკურნალობა. ის განსაკუთრებული ყურადღების ქვეშ არის, ჩვენი სიფხიზლე და ყურადღება გამართლდა, ეს პაციენტი მართლაც საჭიროებს სერიოზულ ყურადღებას, თუმცა, ამ პაციენტს არ აქვს ის ნიშნები და ორგანოთა ფუნქციის მხრივ ის დაზიანებები, რომელიც სიცოცხლისთვის სახიფათოდ ითვლება. მის სიცოცხლეს ამჟამად არავითარი საფრთხე არ ემუქრება. მიუხედავად მძიმე შემთხვევისა, ვიმედოვნებ, რომ ეს პაციენტი განიკურნება”, - განაცხადა ცერცვაძემ.

[sknews.ge]