ადიგენის ერთ-ერთ უბანზე ამომრჩევლები მარგველაშვილის პლაკატებიანი მიკროავტობუსებით მიიყვანეს

"ჩემთვის არავის დაუვალებია ხალხის ჩამოყვანა, მეც იმ სოფელში ვცხოვრობ და ჩემი ხარჯით წამოვიყვანე, მე თვითონ ჩავასხი ბენზინი. ჩამოვიყვანე და მიმყავს", - გვითხრა მიკროავტობუსის მძღოლმა.

რაც შეეხება მიკროავტობუსზე გაკრულ პალაკატებს, მან გვითხრა, რომ ვინ მიაკრა ეს პლაკატები, არ იცის.

N5 საარჩევნო უბანზე სოფელ ბოლაჯურისა და მეზობლად მდებარე სოფელ ენთელის ამომრჩევლები აძლევენ ხმას.



ამომრჩეველთა ერთიან სიაში 1090 ამომრჩეველია, 5 ამომრჩეველია - სპეცსიაში, 18 კი გადასატანი ყუთის სიაში.

12:00 საათის მონაცემებით, ამ უბანზე არჩევანი დააფიქსირა 260-მა ამომრჩეველმა. 10:00 საათის მონაცემებით კი ეს ციფრი 115 იყო.



[sknews.ge]