N16 კლდის უბანზე მარკირებას მარცხენა ხელზე უკეთებდნენ

მე–16 უბანზე პირველი შენიშვნა "საქართველოს ახალგაზრდა იურისტთა ასოციაციის" წარმომადგენელმა დაწერა.

ამ უბანზე ამომრჩეველთა ერთიან სიაში 1324 ამომრჩეველია რეგისტრირებული, სპეციალურ სიაში 3, გადასატანი ყუთის სიაში კი 35. უბანზე 1250 ბიულეტენი მიიღეს. სწორედ ბიულეტენების ნაკლები რაოდენობა დააფიქსირა საიამ 10:49 საათზე დაწერილ შენიშვნაში.

ამავე უბანზე მეორე შენიშვნა, "განვითარებისა და დემოკრატიის ცენტრის" დამკვირვებელმა, 13:30 საათზე დაწერა: "ოთხივე რეგისტრატორი მარცხენა ხელის ცერა თითზე აკეთებდა მარკირებას. ჩემი შენიშვნის შემდეგ თავმჯდომარემაც მისცა მითითება და ამის შემდეგ დაიწყეს მარკირების სწორედ გაკეთება".

ამავე უბანზე ერთმა ამომრჩეველმა ხმის მიცემა ვერ შეძლო, რადგან გორშია რეგისტრირებული, თუმცა სოფელ კლდეში ცხოვრობს.

17:00 საათის მონაცემებით, მე–16 საარჩევნო უბანზე საკუთარი არჩევანი 683–მა ადამიანმა დააფიქსირა.

[sknews.ge]