15:00 საათის მონაცემებით არლის უბანზე 610 ადამიანმა გააკეთა არჩევანი

გადასატანი ყუთი უკვე საარჩევნო უბანზე დაბრუნდა. ამ დროისათვის ხმის მიცემის პროცესი მშვიდ გარემოში მიმდინარეობს. უბნის ეზოში კი ხალხმრავლობაა, აქ ძირითადად საჯარო მმართველი პარტიის მხარდამჭერები და რაიონული ორგანიზაციის წარმომადგენლები არიან.

დილიდან ადგილზე N3 საარჩევნო უბანის მიმდებარედ იმყოფება „ქართული ოცნების“ ადიგენის რაიონული ორგანიზაციის თავმჯდომარე და ადიგენის მერი ზაქარია ენდელაძე.

ისევე როგორც, სხვა არჩევნებზე, საარჩევნო უბნის ეზოში ახლაც ავტომობილებში მსხდომი ქალები, სიების მეშვეობით მისულ ამომრჩეველს აღნიშნავენ.

არლის უბანზე, სულ 1 466 ამომრჩეველია რეგისტრირებული. ადიგენის საკრებულოში მანდატის მოსაპოვებლად მხოლოდ ერთი, „ქართული ოცნების“ კანდიდატი ზურაბ ფეიქრიშვილია.

[ლუბა გიორგაძე, ადიგენი]