N16 უდეს საარჩევნო უბანზე მეზობელი სოფლიდან ამომრჩევლები მიკროავტობუსით ჩამოიყვანეს

ზაზალოში 45 ამომრჩეველია. ადგილობრივებისნაწილმა გვითხრა, რომ მათ "მარშუტკა" თავად არ დაუქირავებიათ და ყოველ წელს ასე ხდება ხოლმე. ნაწილი კი ამბობს, რომ "მარშუტკა" სოფელში უდის რწმუნებულმა გააგზავნა.

„ჩამოვედით ტრანსპორტით, ხმა მივეცით და ახლა ველოდებით, რომ ტრანსპორტი მოვიდეს და ისევ სოფელში წაგვიყვანოს. აქედან დაახლოებით რვა კილომეტრია და ძალიან ცუდი გზაა", - გვითხრა ზაზალოს მკვიდრმა სოფიო გიქოშვილმა.

„არანაირი დარღვევა არ ყოფილა, ყველაფერი წესის ფარგლებში მიმდინარეობს. გადასატანი ყუთი უკვე შემოსულია. ბათილი ბიულეტენები ამ ეტაპზე არ გვაქვს“, - განგვიცხადა N16 საარჩევნო უბნის კომისიის თავმჯდომარემ პავლე მერაბიშვილმა.

N16 უდის საარჩევნო უბანზე 1355 ამომრჩეველია რეგისტრირებული, სპეციალური სიით - 56, აქედან 6 კომისიის წევრია, დანარჩენი სამხედრო პირები, რომლებიც ამ ტერიტორიაზე საზღვარს იცავენ. გადასატანი ყუთი 27-მა ამომრჩეველმა მოითხოვა.

[sknews.ge]