ადიგენში, N1 უბანზე, ამომრჩეველმა არჩევანი ვერ დააფიქსირა

ადიგენში მცხოვრებ მარინა კუსიანს საარჩვენო ბიულეტინი არ მისვლია, მას ხმა ადიგენის N1 საარჩევნო უბანზე უნდა მიეცა, თუმცა უბანზე მისულმა საკუთარი თავის სიაში ვერ იპოვა.

„შოლავერში დავიბადე, 16 წელია ადიგენში ვცხოვრობ. არც ადიგენში და არც შოლავერში საარჩევო ბიულეტინი არ მომსვლია. მოვედი, რომ სიაში მენახა საკუთარი თავი, თუმცა ვერ ვიპოვე, არ მინდა რომ ჩემი ხმა დაიკარგოს“,–ამბობს მარინა კუსიანი.

N1 საარჩევნო უბნის თავმჯდომარის თამაზ ხარატიშვილის თქმით, მარინა კუსიანს არჩევნებამდე რამდენიმე დღით ადრე უნდა განეცხადებინა აღნიშნულის შესახებ.

„სიაში არ არის, ამიტომ ხმას ვერ მივაცემინებთ. არჩევნებამდე უნდა მოსულიყო და ეთქვა რომ ამომრჩევლის ერთიან სიაში არ იყო, ახლა ვეღარაფერს ვიზამთ“,– განაცხადა ხარატიშვილმა.

აღნიშნულ უბანზე ამომრჩევლის ერთინ სიაში 824 ამომრჩეველია რეგისტრირებული.

[Sknews.ge]