'კორონავირუსით დაინფიცირებული მეოთხე პირის მდგომარეობა შედარებით მძიმეა'– მარინა ეზუგბაია

„დაავადების მძიმე ფორმით არის გამოვლენილი. აქვს მაღალი ტემპერატურა 38 და მეტი. დაწყებული მკურნალობით მდგომარეობა დასტაბილურებულია. მძიმე სიტუაციის პროგრესირება ჯერ–ჯერობით არ გამოვლენილა. სტაბილურია სიტუაცია. ვფიქრობთ, ალბათ დაემორჩილება მკურნალობას და თუ არ მოხდება ამ მძიმე ფორმის კიდევ პროგრესირება, სტაბილური სიტუაციის შემდეგ ალბათ უნდა დაიწყოს გაუმჯობესება", – განაცხადა ინფექციური საავადმყოფოს სამედიცინო დირექტორმა.

მისივე თქმით, 44 წლის კაცი საქართველოში ორი მარტიდან თვითიზოლაციაში იმყოფებოდა, ინფექციურ საავადმყოფოს კი გუშინ, ოთხ მარტს მიმართა.

საქართველოში კორონავირუსის მეოთხე შემთხვევა დადასტურდა. ვირუსი საქართველოს მოქალაქეს დღეს, ხუთ მარტს დაუდგინდა, რომელიც ქვეყანაში იტალიიდან შემოვიდა.

[sknews.ge]