ახალციხეში ველოტური მოეწყო

ველოტურში ოთხი უნივერსიტეტის: წმ. ანდრია პირველწოდებულის სახელობის ქართული უნივერსიტეტის, შავი ზღვის საერთაშორისო უნივერსიტეტის, თბილისის სასულიერო აკადემიისა და სემინარიისა და სამცხე-ჯავახეთის სახელმწიფო სასწავლო უნივერსიტეტის 40-მდე სტუდენტი მონაწილეობდა.

ახალგაზრდებმა დილით ახალციხის ციხე დაათვალიერეს, მოგვიანებით კი ციხიდანვე სტარტი აიღეს და საფარის მონასტრის მიმართულებით გაემართნენ.

„ღონისძიების მიზანია ახალგაზრდებში ჯანსაღი ცხოვრების წესის პოპულარიზაცია. თბილისიდან ჩამოსული სტუდენტები შეხვდნენ როგორც ქართველ, ასევე ეთნიკურად სომეხ სტუდენტებს, გაიცნეს ერთმანეთი და გაიზიარეს გამოცდილებები“,- ამბობს ველოტურის ორგანიზატორი გიორგი ექვთიმიშვილი.

მისივე თქმით, აღნიშნული პროექტით დავითიანნი იწყებს თბილისსა და რეგიონებში მცხოვრები ახალგაზრდების დაახლოების საკითხებზე მუშაობას. პროექტის სლოგანია - "ჯანსაღი ახალგაზრდები საქართველოს მომავლისთვის!" მსგავსი ღონისძიებები ხელს შეუწყობს სრულფასოვანი სამოქალაქო საზოგადოების ჩამოყალიბებას.

პროექტის მხარდამჭერები არიან: საქართველოს სპორტისა და ახალგაზრდობის საქმეთა სამინისტრო, წყაროსწყალი ბაკურიანი და rider’s dream -ი, რომელიც უზრუნველყოფს ველოტურის მშვიდობიანად და უსაფრთხოდ ჩატარებს.

[თინათინ ზაზაძე, ახალციხე]