პირველი ველოტური საქართველოში

10-18 მაისს საქართველოში პირველად ჩატარდა ფართომასშტაბიანი ველოტური, რომელშიც 42 ველოსიპედისტი მონაწილეობდა. მათგან 18 სპორტსმენი საზღვარგარეთიდან ჩამოვიდა, 24 კი ადგილობრივი ქართველი ველოსიპედისტები იყვნენ.

სპორტსმენებმა 8 დღის განმავლობაში ქუთაისიდან თბილისამდე გრძელ გზაზე, საქართველოს რამდენიმე რეგიონის შემოვლით, 600 კმ. გაიარეს. ქუთაისში დაწყებულმა ველოტურმა ფოთში, ბათუმში, ხონში, ახალციხეში, ახალქალაქში, ნინოწმინდაში, წალკაში და რამდენიმე სხვა ქალაქში გაიარა და თბილისში დასრულდა. მონაწილეები ყველა ქალაქში არ გაჩერებულან. ველოტურის ჩატარების ორგანიზატორი, ველომოგზაურ ჯუმბერ ლეჟავასთან ერთად, პირველი ლედი სანდრა ელისაბედ რულოვსი იყო. ღონისძიება ცხოვრების ჯანსაღი წესის პროპაგანდის პროექტის Dონ’ტ ჭორრყ, Bე Hეალტყ ფარგლებში ჩატარდა.

ახალქალაქში ველოტურის მონაწილეებისა და პირველი ლედის ჩასვლას ზეიმითYდახვდნენ. 15 მაისის შუადღეს ქალაქის ცენტრალურ მოედანზე, მესროპ მაშტოცის ძეგლთან სხვადასხვა ორგანიზაციებისა და დაწესებულებების თანამშრომლები, სოფლების მცხოვრებლები და გამვლელები შეიკრიბნენ. მოედანზე პირველი სანდრა რულოვსი გამოჩნდა, შემდეგ კი ველოსიპედისტები. მისასალმებელი სიტყვების შემდეგ
შეკრებილების პატივსაცემად აშუღთა სკოლის “ჯავახეთის” აღსაზრდელები და სიმღერისა და ცეკვის ანსამბლები გამოვიდნენ.

[აღუნიკ აივაზიანი, ახალაქალაქი]