ახალქალაქში უნივერსიტეტის შენობაში სტუდენტები სასადილოს მოწყობას ითხოვენ

შესხვედრის მიზანი სტუდენტების საჭიროებების გამოვლენა და უნივერსიტეტის ადმინისტრაციამდე ამ პრობლემების მიტანა იყო.

„შეხვედრაზე წამოჭრილ საკითხებს სასწავლებლის ადმინისტრაციას ვაცნობებთ“,– ამბობს შეხვედრის ერთ–ერთი ორგანიზატორი თამო ხითარიშვილი.

სამცხე–ჯავახეთის სახელმწიფო უნივერსიტეტის სტუდენტებმა ახალქალაქის მესამე კორპუსში სასადილოს, ასევე, კინოკლუბისა მოწყობა ისურვეს.

„პირველ რიგში გვინდა, რომ სასადილო გვქონდეს, ეს ყველაზე დიდი პრობლემაა. ასევე, გვსურს სტუდენტებს თეატრის და კინოთეატრის გახსნაც, სადაც მსახიობები ჩვენ თვითონ ვიქნებით და თავისუფალ დროს წარმოდგენებს გავმართავთ“, – გვითხრა პირველკურსელმა ლილიტ კარახანიანმა.

სამცხე–ჯავახეთის სახელმწიფო უნივერსიტეტის რექტორის მაკა ბერიძის თქმით, სტუდენტების მიერ დასახელებული პრობლემების მოგვარება მიმდინარე წელს იგეგმება: „ახალქალაქის კორპუსის მასშტაბურ რეაბილიტაციას ვგეგმავთ და აუცილებლად მოეწყობა სასადილოც. რამდენიმე კვირაში კი კინოკლუბიც იფუნქციონირებს“.



[ავთო ინასარიძე, ახალქალაქი]