მეორე დღეა დიდველის საბაგირო გათიშულია

ფოტო: ბაკურიანის ფეისბუქის გვერდიდან

როგორც, დიდველის საბაგიროს საინფორმაციო ცენტრში აცხადებენ, უამინდობის გამო საბაგირო გუშინ, ოთხ თებერვალს გათიშეს.

„არ ვიცით როდის გაიხსნება ჯერ–ჯერობით ისევ გათიშულია საბაგირო რადგან ძლიერი ქარია. მოთხილამურებს შეუძლიათ სხვა ტრასებით სარგებლობა“– ამბობენ დიდველის საინფორმაციო ცენტრში.

ამ დროისთვის ჩართულია კოხტა–გორა ერთი, კოხტა–გორა ორი და კოხტა პლატო. უთოვლობის გამო, ისვე არ გახსნილა მიტარბის სასრიალო ტრასები.

გარემოს ეროვნულ სააგენტოში აცხადებენ, რომ ძლიერი ქარი ბაკურიანში დღეს, ხუთ თებერვალს მთელი დღის განმავლობაში იქროლებს, ხვალ ექვს თებერვალს კი შედარებით შესუსტდება

[ნუკა სტეფნაძე, ბორჯომი]