ზამთრის კურორტებზე სეზონი რვა დეკემბრიდან გაიხსნება

დამსვენებლებსა და ტურისტებს საქართველოს ზამთრის კურორტები რვა დეკემბრიდან მიიღებენ. სეზონს ოფიციალურად დიდველისა და გოდერძის სათხილამურო ტრასები გახსნს. 15 დეკემბერს სეზონი გუდაურში გაიხსნება, ხოლო რაც შეეხება თეთნულდი-გაწვალდისა და კოხტა-მიტარბის კურორტების ტრასებს, შესვლა ოფიციალურად 22 დეკემბრიდა იქნება შესაძლებელი.

ეკონომიკისა და მდგრადი განვითარების სამინისტროს ინფორმაციით, კურორტები 2018 წელს გამართული და განახლებული ინფრასტრუქტურით შეხვდება დამსვენებლებს. ამ ეტაპზე, საბაგიროებს გეგმიური სარემონტო სამუშაოები უტარდება, ტრასები კი ქვებისაგან იწმინდება.

"საქართველოს მთის კურორტების კომპანის" ინფორმაციით, წელს კურორტ გუდაურის 30 წლის იუბილე აღინიშნება. უწყების ინფორმაციით, აქ ექვსი ახალი საბაგირო შენდება და ერთი საბაგიროს რეკონსტრუქცია მოხდება. ახალი საბაგიროები "დოპელმაიერისა" და "პომას" ფირმისა იქნება, რითაც კურორტის გამტარუნარიანობა 305-ჯერ გაიზრდება.

[თორნიკე ზაზაძე, ბორჯომი]