სომხეთის ელჩი და მთავარი კომისარი სამცხე–ჯავახეთს სტუმრობს

შეხვედრა მხარის ადმინისტრაციაში დღეს, ოთხ თებერვალს 12:00 საათზე გაიმართა.

„ვისაუბრეთ ჩვენს საერთო პრობლემებზე, ქართულ-სომხური ურთიერთობებზე, სომხურ თემზე და ასევე ორივე ქვეყნის განვითარებაზე, საერთო ინტერესებზე“, – განაცხადა ზარეჰ სინანიანმა.

შეხვედრაზე მხარის რწმუნებულმა ხაზი გაუსვა მეზობელი ქვეყნების საუკუნოვან კეთილმეზობლური ურთიერთობის მნიშვნელობას, მისი თვალსაზრისით სომხური დიასპორის წარმომადგენლების ვიზიტი, ქვეყნებს შორის კეთილმეზობლურ ურთიერთობას კიდევ უფრო გააღრმავებს.

„სომხეთი არის ჩვენი ისტორიული მეზობელი, მათთან ჩვენ მჭიდრო პოლიტიკური ურთიერთობა გვაკავშირებს. დღეს ვუმასპინძლეთ ელჩს და პრემიერ–მინისტრის სპეციალურ წარმომადგენელს დიასპორის საკითხებში, განვიხილეთ ჩვენ ორ ქვეყანას შორის თანამშრომლობა, ასევე სომხური მოსახლეობის ინტეგრაციაზე, განათლებაზე, ინფრასტრუქტურულ პროექტებზე, მათ შორის სომხეთის და ნინოწმინდის დამაკავშირებელ ცენტრალურ მაგისტრალის მოწყობაზე. დავსახეთ სამომავლო თანამშრომლობა, ვფიქრობ რომ დღევანდელი შეხვედრა ჩვენს ორმხრივ ურთიერთობას წაადგება“, – განაცხადა მხარის რწმუნებელმა ბესიკ ამირანიშვილმა.

შეხვედრას ასევე ესწრებოდნენ სომხეთის რესპუბლიკის საგანგებო და სრულუფლებიანი ელჩი საქართველოში რუბენ სადოიანი, ახალციხისა და ადიგენის მაჟორიტარი დეპუტატი გიორგი კოპაძე, ახალციხის მუნიციპალიტეტის მერი ზაზა მელიქიძე და მერის მოადგილე რუბენ კარაპეტიანი.

15:00 საათზე სტუმრები ახალციხის მუნიციპალტეტის მერიის შენობაში სომხურ თემთან შეხვედრას გამართავენ. ხვალ ხუთ თებერვალს კი ისინი ნინოწმინდასა და ახალქალაქში გაემგზავრებიან.



[რიმა სარუხანიან, ახალციხე]