‘მსურს კავშირები გავაღრმაოთ’ - დიდი ბრიტანეთის ელჩი ახალციხეში

შეხვედრა სამცხე-ჯავახეთის სამხარეო ადმინისტრაციის შენობაში გაიმართა. „ძალიან მოხარული ვარ აქ ყოფნით, ულამაზეს ახალციხეში. ესაა ჩვენი 2019 წლის ბრიტანული სეზონის ნაწილი, ბრიტანული სეზონის ფარგლებში, ჩვენმა მოძრავმა საელჩოებმა შემოიარეს თითქმის მთელი საქართველო და ახლა აქაც ჩამოვედით. მსურს, რომ არსებული კავშირები ამ რეგიონსა და ბრიტანეთს შორის, კიდევ უფრო გავაღრმაოთ“, - ამბობს მაკკენზი.

შეხვედრაზე მხარის გუბერნატორმა ბესიკ ამირანაშვილმა რეგიონის ტურისტულ პოტენციალზე ისაუბრა.

„ისტორიული მხარეა სამცხე-ჯავახეთი და ქვეყნის კულტურული მემკვიდრეობის ძეგლების 30 პროცენტი აქაა ჩვენს რეგიონში განთავსებული. ამას გარდა, ბრიტანეთსა და ახალციხეს შორის არის კავშირი, ახალციხე ნიუ კასლების გაერთიანების წევრიცაა. ჩვენ გვაქვს გარკვეული სახის ურთიერთობა, მომავალში გვინდა რომ გავაღრმაოთ ეს კავშირი. ეს იქნება სტუდენტების გაცვლითი პროგრამები სხვა სახის ღონისძიები“,- განმარტა ამირანაშვილმა.

შეხვედრას ახალციხის მერი ზაზა მელიქიძე, მხარის გუბერნატორის მოადგილე ზურა ხაჩიძე და სამცხე–ჯავახეთის სამხარეო ადმინისტრაციაში ადგილობრივი თვითმმართველობის ორგანოებთან ურთიერთობის სამსახურის უფროსი ეკატერინე ორჯონიკიძე ესწრებოდნენ.

დიდი ბრიტანეთის ელჩი შეხვედებს ასევე სამცხე-ჯავახეთის უნივერსიტეტის სტუდენტებთან და ცენტრალურ პარკში ადგილობრივ მოსახლეობასთან გამართავს.



[მარიამ ბარძიმაძე, ახალციხე]