სამცხე–ჯავახეთს სომხეთის ელჩი რუბენ სადოიანი ესტუმრება

რუბენ სადოიანი, საელჩოს სხვა თანამშრომლებთან ერთად, რეგიონს 19 მარტს ეწვევა. ამ დღეს, 15:00 საათზე, შეხვედრა სამცხე–ჯავახეთის გუბერნიაში გაიმართება.

20 მარტს ელჩი შეხვედრებს ახალქალაქში გამართავს. ახალქალაქში შეხვედრა 12:00 საათზე, მერიის შენობაში, ადგილობრივ ხელისუფლების წარმომადგენლებთანაა დაგეგმილი.

21 მარტს კი ელჩი ნინოწმინდაში გაემგზავრება და 12:00 საათზე ნინოწმინდის მერიაში, ნინოწმინდის მერიის წარმომადგენლებს შეხვდება.

ვიზიტის ფარგლებში დაგეგმილია კონსულის მიღებაც. იმ პირებს, ვისაც კითხვები აქვთ კონსულთან, შეუძლიათ შეხვედრების ადგილებს მიაკოთხონ იმ დროს, რა დროშიც შეხვედრებია დაგეგმილი.

სომხეთის პარლამენტის ყოფილი დეპუტატი, რუბენ სადოიანი, საქართველოში სომხეთის ელჩად 2017 წლის 31 ოქტომბერს, სომხეთის პრეზიდენტის განკარგულებით დაინიშნა. სადოიანი 2012-2017 წლებში სომხეთის ეროვნული სათათბიროს დეპუტატი იყო მმართველი „რესპუბლიკური პარტიიდან".

[sknews.ge]