მესხეთის ქუჩიდან სამშენებლო ნარჩენები გაიტანეს

მესხეთის ქუჩაზე სამშენებლო ნარჩენების შესახებ „სამხრეთის კარიბჭემ“ სტატია გუშინ, 23 იანვარს გამოაქვეყნა.

კომპანია „მშენ–ბენმა“ აღნიშნულ ქუჩაზე დამტვრეული სახურავის ნარჩენები ერთი თვის წინ დაყარა.

გარემოსდამცველი ორგანიზაციები აცხადებენ, რომ აზბესტის ღია სივრცეში დატოვება დაუშვებელია, რადგან ის არის ჯანმრთელობისთვის საშიში ნივთიერება, რომელიც კიბოთი დაავადების რისკს ზრდის.

ადგილობრივები ერთი თვის განმავლობაში ითხოვნენ ქუჩიდან საშიში აზბესტის სახურავის ნარჩენების გატანას.

[რიმა სარუხანიან, ახალციხე]