მესხეთის ქუჩაზე ‘მწოლიარე პოლიციელის’ განთავსებას ითხოვენ

„თითო ოჯახში 2–3 ბავშვი გვყავს. გვინდა უბანში ისეთი გარემო გვქონდეს, რომ პატარებისთვის სახლიდან გასვლა საშიში არ იყოს“, – ამბობს სილვა სარუხანიანი.

ადგილობრივებმა სიჩქარის შემზღუდავი ბარიერის გაკეთების მოთხოვნით ახალციხის მუნიციპალიტეტის მერიას მიმართეს. განცხადებას ხელს 20 ადგილობრივი აწერს.

„გვითხრეს მოთხოვნა დაკმაყოფილდებაო, მაგრამ როდის ჩვენთვის უცნობია“, – გვეუბნება ადგილობრივი გაიანე პეტროსიანი.

ახალციხის მუნიციპალიტეტის მერიაში აცხადებენ, რომ აღნიშნულ საკითხს სწავლობენ, ამის შემდეგ გადაწყდება გაკეთდება, თუ არა მესხეთის ქუჩაზე სიჩქარის შემზღუდავი ბარიერები.

[რიმა სარუხანიან, ახალციხე]