შშმ პირთა ღონისძიება ‘ტალიტა კუმში’

ღონისძიებაში მონაწილეობა დღის ცენტრის ბენეფიციარებთან ერთად, ახალციხის მეხუთე საჯარო სკოლის მოსწავლეებმაც მიიღეს.

ღონისძიების დროს, სტუმრებისთვის ვიქტორინა გაიმართა. გამარჯვებულებს სიმბოლური საჩუქრები გადაეცათ.

„ჩავატარეთ ზეიმი, რისთვისაც დიდი ხანი ვემზადებოდით. ძალიან მიხარია, ყველას გილოცავთ ახალ წელს“, – ამბობს „ტალიტა კუმის“ ბენეფიციარი ანა მაღლაკელიძე.

როგორც, ცენტრის წარმომადგენლები აღნიშნავენ, მათი ბენეფიციარები ხშირად არიან მსგავსი ტიპის ღონისძიებებში ჩართულნი.

„წლის განმავლობაში არაერთ ღონისძიებას ვატარებთ – საშობაოს, საშემოდგომოს, საგაზაფხულოს. ვაკეთებთ იმიტომ, რომ მათ უფრო გაუადვილდეთ ადაპტაცია საზოგადოებაში“, – ამბობს „ტალიტა კუმის“ მენეჯერი ქრისტინე ლაზარიშვილი.

ღონისძიებას ესწრებოდნენ ადგილობრივი თვითმმართველობის წარმომადგენლები, სოციალური მუშაკები, არასამთავრობო ორგანიზაციები, რომის პაპის წარმომადგენელი და ბენეფიციარების მშობლები. დასრულების შემდეგ სარეაბილიტაციო ცენტრის ბენეფიციარებს საჩუქრები გადაეცათ.

შშმ პირთა სარეაბილიტაციო ცენტრი „ტალიტა კუმი“ ახალციხეში 2014 წლიდან ემსახურება ბენეფიციარებს.





[ნუკა სტეფნაძე, ახალციხე]