ახალციხეში ტოლერანტობისა და ინკლუზიის კვირეული დასრულდა

ახალციხის ცენტრალურ ბიბლიოთეკაში, არასამთავრობო ორგანიზაცია „დემოკრატ მესხთა კავშირის“ ახალგაზრდული ცენტრის წევრებმა და შშმ პირთა დღის ცენტრის „ტალიტა კუმის„ ბენეფიციარებმა ერთობლივი ღონისძიება გამართეს.

ახალგაზრდული ცენტრის წევრებმა საქართველოში მცხოვრები ეთნოსების შესახებ პრეზენტაცია წარმოადგინეს, ხოლო „ტალიტა კუმის“ ბენეფიციარებმა ღონისძიებაზე მიწვეულ სტუმრებს უმღერეს.

„ჩვენ, დამსწრე საზოგადოებას საქართველოში მცხოვრები ეთნოსებისათვის დამახასიათებელი ტრადიციების, წეს–ჩვეულებებისა და კულტურის შესახებ ვუამბეთ“,– გვითხრა „დემოკრატ მესხთა კავშირის“ ახალგაზრდული ცენტრის წევრმა ლილი ზაზაძემ.

ტოლერანტობისა და ინკლუზიის კვირეულის ფარგლებში, ამერიკის კუთხის წარმომადგენლები „ტალიტა კუმის“ ბენეფიციარებს და მეშვიდე საჯარო სკოლის მოსწავლეებსაც ესტუმრნენ.

ორგანიზატორების თქმით, კვირეულის მიზანს ტოლერანტობისა და ინკლუზიის პოპულარიზაციის მხარდაჭერა წარმოადგენს.

ტოლერანტობისა და ინკლუზიის კვირეული, ამერიკის შეერთებული შტატების საერთაშორისო განვითარების სააგენტოს USAID-ის დაფინასებითა, ტოლერანტობისა და სამოქალაქო ცნობიერების და ინტეგრაციის მხარდამჭერი პროგრამა „პიტა“–ს ინიციატივით განხორციელდა. სამცხე–ჯავახეთში კვირეულს ორგანიზება, არასამთავრობო ორგანიზაცია „დემოკრატ მესხთა კავშირიმა“ და ამერიკის კუთხემ გაუწია.



[მარიამ ბარძიმაძე, ახალციხე]