'ტალიტა კუმის' ბენეფიციარებმა ღონისძიება გამართეს [Photo]

ღონისძიებაში მონაწილეობა ცენტრის ოცმა ბენეფიციარმა, მოხალისეებმა და თანამშრომლებმა მიიღეს. მათ სპეციალურად მომზადებული საკონცერტო ნომრები, სიმღერები, ლექსები და სასცენო დადგმა წარმოადგინეს.

სარეაბილიტაციო ცენტრის ბენეფიციარები ღონისძიებისათვის დაახლოებით ერთი თვის განმავლობაში ემზადებოდნენ: "მათთვის ეს კონცერტი ბედნიერებაა. დიდი ხანია ელოდებიან როდის წარსდგებიან მშობლებისა და აუდიტორიის წინაშე. ტრადიციულად, ღონისძიებას ყოველ წელს ვმართავთ", – ამბობს "ტალიტა კუმის" კოორდინატორი გიორგი ჩილინგარაშვილი.

შშმ პირთა სარეაბილიტაციო ცენტრი "ტალიტა კუმი" ახალციხეში ავადმყოფთა მომსახურე სასულიერო პირთა ორდენის –კამილიელების მხარდაჭერით ფუნქციონირებს. ცენტრი ყოველ დღე 09:30–16:30 საათამდე მუშაობს. აქ 27 ბენეფიციარი ირიცხება, მათგან რამდენიმე მომსახურებას ბინაზე იღებს.















[თაკო ფეიქრიშვილი, ახალციხე]