ახალი მეთოდოლოგიით დათვლის შედეგად უმუშევრობის მაჩვენებელი გაიზრდება - საქსტატის დირექტორი

ამის შესახებ საქსტატის დირექტორმა 2019 წლის მუშაობის შესახებ ანგარიშის წარდგენისას ისაუბრა.

სამუშაო ძალის ახალი მეთოდოლოგიის თანახმად, 2020 წლიდან თვითდასაქმებულთა კატეგორიაში დასაქმებულად აღარ ჩაითვლებიან ის პირები, რომლებიც საკუთარ მამულში მუშაობენ და წარმოებულ პროდუქციას მხოლოდ საკუთარი მოხმარებისთვის იყენებენ.

„არსებობს მოლოდინი, რომ არა მარტო გაიზარდოს უმუშევრობის დონე, არამედ შემცირდეს დასაქმების მაჩვენებელი. კონკრეტულ თარიღს, თუ როდის გამოქვეყნდება ახალი მეთოდოლოგიით დათვლილი სტატისტიკა, ვერ გეტყვით, თუმცა 2020 წლის პირველი ორი კვარტლის განმავლობაში ვაგროვებთ ინფორმაციას და წლის ბოლოსთვის, ალბათ, ნოემბერში გვექნება შესაძლებლობა, ეს მონაცემები წარვუდგინოთ საზოგადოებას“, - აღნიშნა „საქსტატის“ დირექტორმა.

საქსტატის 2019 წლის სამი კვარტლის, ცხრა თვის მონაცემებით, ქვეყანაში უმუშევრობის დონე 11,8 %-ია.

[sknews.ge]