საქართველოში საქსტატის მონაცემებით საშუალო ხელფასი 1125 ლარამდე გაიზარდა

საქსტატის განცხადებით, საშუალო ხელფასი წინა წლის შესაბამის პერიოდთან შედარებით, 56,4 ლარითაა გაზრდილი. უწყების განმარტებით ამ სტატისტიკაში გაერთიანებულია როგორც კერძო ისე საჯარო სექტორში დასაქმებულთა ხელფასები. უწყების განმარტებით, ამ სტატისტიკაში თვითდასაქმებულები არ შედიან.

საქმიანობების სახეების მიხედვით შედარებით მაღალი ხელფასი დაფიქსირდა შემდეგ დარგებში:

საფინანსო და სადაზღვევო საქმიანობა – 2 354.3 ლარი (წლიური ზრდა 26.5 პროცენტი).

პროფესიული, სამეცნიერო და ტექნიკური საქმიანობები – 1 867.9 ლარი (წლიური ზრდა 8.6 პროცენტი).

ინფორმაცია და კომუნიკაცია – 1 785.0 ლარი (წლიური ზრდა 18.0 პროცენტი).

სტატისტიკის ეროვნული სამსახურის მონაცემებით, საქმიანობის სახეების მიხედვით, თითქმის ყველა სექტორში კაცების ხელფასი ქალების ხელფასს აღემატებოდა და 2018 წლის მესამე კვარტალში ქალების საშუალო ხელფასი 851.9 ლარით, ხოლო კაცების – 1 360.5 ლარით განისაზღვრა.



[sknews.ge]