ბაკურიანში საბჭოთა რუბლის გამოყენების ფაქტზე სუს–მა პროცედურები დაიწყო

ფოტო – ნინო ობგაიძე

სახელმწიფო უსაფრთხოების სამსახურის ინფორმაციით, ფაქტთან დაკავშირებით, შესაბამისი პროცედურების განხორციელება უკვე მიმდინარეობს.

„სუს–ის სამსახურის თავმჯდომარეობით მოქმედმა, „თავისუფლების ქარტია“ საქართველოს კანონით განსაზღვრულმა კომისიამ, ინფორმაციის მიღებისთანავე მყისიერად დაიწყო კანონმდებლობით გათვალისწინებული შესაბამისი პროცედურების განხორციელება.

„თავისუფლების ქარტია“ საქართველოს კანონის მიზანია, საერთაშორისო სტანდარტების, საყოველთაოდ აღიარებული პრინციპებისა და ნორმების გათვალისწინებით, კომუნისტური ტოტალიტარული და ფაშისტური სიმბოლიკის აღმოფხვრა, აგრეთვე კომუნისტური ტოტალიტარული და ფაშისტური იდეოლოგიების მატარებელი და პროპაგანდის სხვა საშუალებების აკრძალვა”, – განმარტავენ სახელმწიფო უსაფრთხოების სამსახურში.

ბაკურიანში „ოცდახუთიანების" საბაგიროზე რუსული რუბლის გამოყენების შესახებ პროტესტი დამსვენებლებმა გამოთქვეს.

[თაკო ფეიქრიშვილი, ახალციხე]