აქცია ბორჯომში

ფოტო – borjomi.tv

ინფორმაციას ადგილობრივი ტელეკომპანია "ბორჯომი" ავრცელებს. ჟურნალისტები სასტუმრო "ბორჯომი ლიკანის" ტერიტორიაზე არ შეუშვეს.

აქცია დაახლოებით ერთი საათი გაგრძელდა და მასში მონაწილეობას სასტუმროს ოცამდე თანამშრომელი იღებდა. ამ დროისთვის "ბორჯომი ლიკანი" თანამშრომლები ჟურნალისტებთან სასაუბროდ კონტაქტზე აღარ გამოდიან, თუმცა ერთ–ერთმა თანამშრომელმა, რომელმაც ვინაობის გამხელა არ ისურვა, პირად საუბარში განაცხადა, რომ – "აღარ ღირს მოვლენების გაზვიადება, რადგან ყველაფერი მოგვარდა".

სასტუმრო კომპლექსი "ბორჯომი ლიკანი" მანამდე კი "რიქსოს ბორჯომი" საპარტნიორო ფონდის და ყაზახური კომპანია „ყაზმუნაი გაზ–სერვისის" ერთობლივი ინვესტიციით აშენდა. პროექტის ჯამური ღირებულება 48 მლნ აშშ დოლარს შეადგენდა. გასულ წელს RIXOS-ის ბრენდი ბორჯომიდან გავიდა. საპარტნიორო ფონდი“ სს „ბორჯომი ლიკანი ინტერნეიშენალის“ 100% აქციების მფლობელი გახდა.

„საპარტნიორო ფონდსა“ და „ყაზმუნაი გაზ-სერვისს“ შორის გაფორმებული ხელშეკრულების თანახმად, ფონდის საკუთრებაში, სასტუმრო „ბორჯომი-ლიკანი“ გადავიდა.

ხუთვარსკვლავიანი, უმაღლესი კლასის სასტუმრო კომპლექსი ლიკანში, ე.წ. IV-ე სამმართველოს სახელით ცნობილ ტერიტორიაზე მდებარეობს.

[sknews.ge]