სამცხე-ჯავახეთის 58 წარმატებული მოსწავლე ლეპტოპებით დაასაჩუქრეს

საზეიმო ცერემონიალი დღეს, 18 ოქტომბერს ახალციხის მეხუთე საჯარო სკოლაში გაიმართა.

„ძალიან გამიხარდა,ამდენი ხნის შრომა და თავდადება სწავლისადმი დამიფასდა“,- ამბობს ადიგენის საჯარო სკოლის მოსწავლე თამარ ათოშვილი.

საჩუქრების გადაცემას მოსწავლეების ახლობლები და ახალციხის რესურსცენტრის წარმომადგენლები დაესწრნენ.

საგანმანათლებლო და სამეცნიერო ინფრასტრუქტურის განვითარების სააგენტოს შესყიდვების თანამშრომელი რუსუდან ნალბანდიანი ამბობს, რომ მეცხრე კლასის წარმატებით დასრულებისთვის კომპიუტერები საქართველოს მასშტაბით ოთხ რეგიონში უკვე დარიგდა, უახლოეს მომავალში გურიისა და სამეგრელოს რეგიონების მოსწავლეებსაც დაურიგებენ.

[თინათინ ზაზაძე, ახალციხე]