ახალციხესა და ახალქალაქში 38 მოსწავლეს კომპიუტერები გადასცეს

კომპიუტერების გადაცემის ცერემონია ახალციხის ციხის ციტადელზე გაიმართა. განათლების სამინისტრომ „ჩემი პირველი კომპიუტერის“ ფარგლებში 31 კოპიუტერი ახალციხის საჯარო სკოლის, ხოლო შვიდი ახალქლაქის საჯარო სკოლის მოსწავლეებს გადასცა.

„ეს ჯილდო პირველ რიგში სტიმულს მაძლევს, რომ მომავალშიც უკეთესად ვისწავლო“, – ამბობს ერთ–ერთი მოსწავლე ივანე აღლემაშვილი.

ახალციხის მესამე საჯარო სკოლაში კომპიუტერი რვა მოსწავლეს გადაეცა. „წლების განმავლობაში ვცდილობდი კარგად მესწავლა, ეს დიდი სტიმულია იმისათვის, რომ მომავალშიც ასე გავაგრძელო“, – გვითხრა ანა ბაბოიანმა.

როგორც ახალციხის რესურსცენტრის დირქტორი ხათუნა ხმალაძე აცხადებს, მიმდინარე წელს ახალციხის მუნიციპალიტეტში კომპიუტერი სულ 60–მა მოსწავლემ მიიღო.

განათლების სამინისტრო პროგრამას „ჩემი პირველი კომპიუტერი“ 2009 წლიდან ახორციელებს. კომპიუტერებს ის მეათეკლასელები იღებენ, რომლებსაც მეშვიდე, მერვედა და მეცხრე კლასები ათ ქულაზე, დამრგვალების გარეშე აქვთ დამთავრებული.



[ლუბა გიორგაძე, ახალციხე]