ახალციხის ციხეში პრეზიდენტის ვიზიტის შესახებ არ იცოდნენ

ახალციხის ციხის ადმინისტრაციაში განმარტავენ, რომ პრეზიდენტის ვიზიტის შესახებ არაფერი იცოდნენ.

„ინფორმაცია არ მქონდა, მე ჩემი საქმე მაქვს, კონცერტისთვის ვემზადებით და სხვა რამეზე ვიყავი გადართული. არც არავის გავუფრთხილებივართ. ჩვეულებრივ, როგორც მოქალაქე შემოვიდა და წავიდა“, - განაცხადა ახალციხის ციხის დირექტორმა გუჯა ბიჭაშვილმა „სამხრეთის კარიბჭესთან“.

შეგახსენებთ, რომ მიხეილ სააკაშვილი ახალციხის ციხეს დღეს, 17 ოქტომბერს ესტუმრა. პრეზიდენტმა ციხის ტერიტორიაზე არსებული მაღაზია „მესხურ ბრენდი“ დაათვალიერა და მისი მეპატრონეები ღირსების ორდენით დააჯილდოვა.

[თამარ თოთაძე, ახალციხე]