ახალციხის ციხეს ივნისში 25 695 ვიზიტორი ჰყავდა

ახალციხის ციხის ადმინისტრაციის ინფორმაციით, 2015 წლის იანვრიდან ივნისის ჩათვლით ციხის ტერიტორია 49 855–მა ვიზიტორმა მოინახულა. აქედან ყველაზე მეტი ვიზიტორი ივნისში იყო, ყველაზე ცოტა კი იანვარში.

ახალციხის ციხის ადმინისტრაციაში განმარტავენ, რომ იანვარში ციხემ 1 705 ვიზიტორი მიიღო, გაყიდული ბილეთებისა და გიდის მომსახურებიდან მიღებული თანხა 8 413 ლარს შეადგენს. თებერვალში 1 277 ვიზიტორი იყო, საიდანაც ციხემ 6 246 ლარი მიიღო. მარტში ახალციხის ციხის ტერიტორია 2 062–მა ვიზიტორმა მოინახულა, აქედან ციხის ბიუჯეტში 10 937 ლარი შევიდა. რაც შეეხება აპრილის თვეს, ციხეზე 3 906 ვიზიტორი დაფიქსირდა, შესული თანხა კი 21 742 ლარი იყო. მაისში ვიზიტორების რაოდენობა 15 210 ვიზიტორი იყო და 64 956 ლარი შევიდა.

ციხემ ყველაზე მეტი ვიზიტორი 25 695 მიმდინარე წლის ივნისში მიიღო, საიდანაც ციხის ბიუჯეტში 93 992 ლარი შევიდა.

ახალციხის ციხის ადმინისტრაციაში განმარტავენ, რომ იანვარ–ივნისში გაყიდული ბილეთებიდან და გიდის მომსახურებიდან მიღებული თანხა 206 275 ლარია.

[თამარ თოთაძე, ახალციხე]