რაში ადანაშაულებს ბურჯანაძის შტაბი ახალციხის ციხის დირექტორს

დემოკრატიული მოძრაობა - ერთიანი საქართველოსთვის“ ახალციხის საარჩევნო შტაბს რამდენიმე დღის წინ გაკრული ბურჯანაძის სარეკლამო პალაკატები დღეს, 14 ოქტომბერს, იმ დღეს, როცა ახალციხეს ნინო ბურჯანაძე სტუმრობს, ჩამოხეული დახვდა.

ერთ-ერთი, ვისაც ბურჯანაძის შტაბის წევრები პლაკატების ჩამოხევაში ადანაშაულებენ, ახალციხის ციხის დირექტორი, გუჯა ბიჭაშვილია. შეგახსენებთ, რომ ბიჭაშვილი საპარლამენტო არჩევნების დროს „ქართული ოცნების“ წევრი იყო. მიმდინარე წლის მარტში კი აღნიშნულ თანამდებობაზე დაინიშნა.

გუჯა ბიჭაშვილი აღნიშნულ ბრალდებას აბსურდულს უწოდებს და ამბობს, რომ სისულელეებზე პასუხის გაცემას არ აპირებს.

„როგორ შეიძლება ყველა სისულელეზე ვისაუბროთ. დღეს ადამიანებს აქვთ თავისუფალი არჩევანის შესაძლებლობა. ნუ დარჩებით ძველ დროში, ეგ არის სისულელე, აბსურდი“, - განაცხადა ბიჭაშვილმა „სამხრეთის კარიბჭესთან“ სატელეფონო საუბარში.

შეგახსენებთ, პლაკატების ჩამოხევაში ბურჯანაძის შტაბი "ოცნების" აქტივისტებსაც ადანაშაულებს.

[თამარ თოთაძე, ახალციხე]