მეოთხე დღეა ორბელიანის ქუჩა იტბორება

ადგილობრივები შიშობენ რომ მოყინული გზა ავტოავარიებს გამოიწვევს: „გუშინ მაღაზიას როცა ვკეტავდი, დაღმართზე მომავალი მანქანა მოსრიალდა, კიდევ კარგი შემხვედრი არ მოდიოდა, ძლივს გააჩერდა. ვინმე რამეს მოიწევს დროულად თუ არ მოგვარდა ეს პრობლემა“.

გაერთიანებული წყალმომარაგების კომპანიაში აცხადებენ, რომ მილს უახლოეს მომავალში შეაკეთებენ.

„ახალი სისტემის გაყვანამ წყლის წნევა გაზარდა, შესაბამისად ბევრ ადგილზე მოხდა მსგავსი რამ. ვმუშაობთ რაც შეიძლება მოკლე დროში მოვაგვაროთ ეს პრობლემა“, - ამბობს საქართველოს გაერთიანებული წყალმომარაგების კომპანიის სამცხე-ჯავახეთის ფილიალის მენეჯერი ბესო ფილაური.

ახალციხეში, 29 ქუჩა სასმელი წყლით ახალად აშენებული რეზერვუარებიდან მიმდინარე წლის ცხრა დეკემბრიდან მარაგდება.

[რობი ზარიძე, ახალციხე]