ევროსაბჭოს მინისტრთა კომიტეტის თავმჯდომარეობასთან დაკავშირებით, საზეიმო კვირეულს ახალციხე შეუერთდა

საზეიმო ღონისძიებაზე შეკრებილებს სიტყვით მიმართა ახალციხის მუნიციპალიტეტის საკრებულოს თავმჯდომარემ გელა ნოზაძემ, მან აღნიშნული მოვლენის მნიშვნელობასა და საქართველოს ევროპულ მომავალზე ისაუბრა.

„საქართველო ყოველთვის იყო და იქნება ევროპული ცივილიზაციის ნაწილი, რასაც მისი მრავალსაუკუნოვანი ისტორიაც ადასტურებს. ვფიქრობთ, ეს იქნება საუკეთესო გამოცდილება ქართული სახელმწიფოებრიობის განვითარების გზაზე და დარწმუნებული ვარ საქართველო თამამად იტყვის თავის სათქმელს ამ მაღალი ტრიბუნიდან“, - განაცხადა გელა ნოზაძემ

ღონისძიების ფარგლებში, აგრეთვე,სამხატვრო სკოლის მოსწავლეთა ნამუშევრების გამოფენა მოეწყო, თემაზე „ევროპა ჩემი სახლია“.



[ნუკა სტეფნაძე, ახალციხე]