"საქართველო და ევროპა" ახალციხეში

გამოფენაზე წარმოდგენილია ეროვნული ბიბლიოთეკის ფონდებში, ეროვნული არქივისა და ხელნაწერთა ეროვნულ ცენტრში დაცული მასალები, რომლებზეც ასახულია ქართულ–ევროპული ურთიერთობები.

მსგავსი გამოფენა პროექტის : „ევროპული წიგნი–საქართველოს“ ფარგლებში, უკვე მოეწყო: ბათუმში, ფოთში, ზუგდიდსა და ქუთაისში. პროექტის ფარგლებში ეს ბოლო გამოფენაა.

’’დიდი სურვილი გვაქვს გამოფენები საქართველოს სხვა ქალაქებშიც მოეწყოს. ამ თხოვნით კვლავ მივმართავთ ევროკავშირს“, – ამბობს საქართველოს პარლამენტის ეროვნული ბიბლიოთეკის მეცნიერების, კულტურული და სამოქალაქო განათლების დეპარტამენტის დირექტორი ემზარ ჯგერენაია.

ექსპონანტები ახალციხეში ერთი კვირის განმავლობაში დარჩება.

გამოფენისა და ევროკუთხის გახსნის პარალელურად, გაკეთდა მოხსენებები ქართულ-ევროპულ ურთიერთობებზე.

ღონისძიებები „ახალი თაობა, ახალი ინიციატივის“ პროექტის „საქართველო ევროპაში“ ფარგლებში განხორცილდა.

„პროექტი რამდენიმე ფაზისგან შედგებოდა, რომლის მიზანიც იყო საზოგადოების ცნობიერების ამაღლება ევროკავშირსა და მის სტრუქტურებთან მიმართებაში“,– აღნიშნავს „ახალი თაობა ახალი ინიციატივას“ პრესსამსახურის უფროსი თამარ იდაძე.

[ნინო ზედგინიძე, ახალციხე]