უნივერსიტეტში ბექა კოპაძის ნამუშევრების გამოფენა მოეწყო

უნივერსიტეტის ფოიეში ბექა კოპაძის 20-მდე ნამუშევარი გამოიფინა.

„დღეს წარმოდგენილი მაქვს გრაფიკები, ფერწერები და ჭედურობის ფოტოები, თვითონ ორიგინალები ზოგი ტაძრებშია, ზოგი კი კერძო კოლექციებში. ბოლო წლებია ხატწერაზე ვმუშაობ, თუმცა იგივე მიზეზით მათი გამოფენა ვერ შევძელი, ნაწილი ტაძრებშია, ნაწილი კი კერძო კოლექციებში“, - ამბობს იგი.

გამოფენა უნივერსიტეტის ადმინისტრაციის ინიციატივით მოეწყო.

„ბექა ჩვენი უნივერსიტეტის კურსდამთავრებულია. დაამთავრა ქვის, ხის, ლითონის და სხვა მასალათა მხატრული დამუშავებისა და რესტავრაციის ფაკულტეტი და ჩვენთანვე დასაქმდა. პედაგოგიურ მოღვაწეობას ეწევა. მას წარმატებით შეუძლია ხელოვნების სხვადასხვა მიმართულებით მუშაობა და დარწმუნებული ვარ, რომ თავის სათქმელს იტყვის“, - განაცხადა სამცხე-ჯავახეთის სახელმწიფო უნივერსიტეტის რექტორმა მერაბ ბერიძემ.

ბექა კოპაძის ნამუშევრები უნივერსიტეტის ფოიეში სავარაუდოდ მაისის ბოლომდე დარჩება.

[თინათინ ზაზაძე, ახალციხე]