დევნილები 200-ლარიან ვაუჩერებს მიიღებენ

ამის შესახებ ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა დავით დარახველიძემ დღეს, 16 ოქტომბერს, "საქართველოს მთავრობა ღია მმართველობისთვის" ფარგლებში,გამართულ პრესკონფერენციაზე განაცხადა.

მისინისტრის განმარტებით, გასული წლის ოქტომბრის ბოლოდან სამინისტროს 730 ბინა აქვს გადაცემული. 1052-მა ოჯახმა საცხოვრებელი ბინა სიმბოლურ ფასად - ერთ ლარად მიიღო. 60 ოჯახს სახლები საკარმიდამო მიწის ნაკვეთთან ერთად გადეცა.

მისნიტრსმა დაგეგმილ მშენებლობებზეც ისაუბრა. მისი განმარტებით, თბილისში, ვარკეთილის ჩასახლებაში თექვსმეტი 22-სართულიანი კორპუსი აშენდება, რომელშიც 4498 ბინა განთავსდება. კრწანისში, ფონიჭალის ჩასახლებაში კი - 8 კორპუსი, 2130 ბინით. ასევე, დაგეგმილია, ექვსი კორპუსის აშენება ბათუმში, სადაც 1155 ბინა განთავსდება.

მინისტრმა სარემონტო სამუშაოებზეც ისაუბრა. მისი თქმით, შეკეთდა 43 ობიექტ, ამათგან 11-ს სარემონტო სამუშაოები მერიის თანადაფინანსებით ჩაუტარდა.

გარდა ამისა, 1186-მა ოჯახმა ერთჯერადი, 100-დან 500-ლარამდე ოდენობის დახმარება მიიღო, 142 ოჯახს კი 100-დან 300-ლარამდე ბინის ქირა გადაეცა.

მინისტრის თქმით, გამოზამთრების პროგრამის ფარგლებში, 40 ათასი ჩასახლებულ და თვითგანსახლებულ დევნილთა ოჯახებისთვის სამინისტრო 200 ლარიანი - გაზის ან ელექტროენერგიის ვაუჩერის დარიგებასაც გეგმავს.

[Sknews.ge]