მესხეთის თეატრში პრემიერა ‘ზოოპარკის ისტორია’ გაიმართება

„ზოოპარკის ისტორია“ ედუარდ ოლბის პიესის მიხედვით, რეჟისორმა საბა ასლამაზიშვილმა დადგა, რომელშიც მესხეთის თეატრის ორი მსახიობი მონაწილეობს ანდრია ვაჭარიძე და ლექსო ჩემია.

„სპექტაკლი არის ორ მარტოსულ ადამიანზე, ერთს არ ჰყავს ოჯახი, მეორე კი დაოჯახებულია, თუმცა ორივე მარტო სულია და ორივეს აკლია სიყვარული. სწორედ ამიტომ, ისინი ხდებიან სიყვარულის მაძიებლები. ცდილობენ ერთმანეთთან ურთიერთობასა და საუბარში აღმოაჩინონ ყველაზე მთავარი გრძნობა რასაც სიყვარული ჰქვია. ერთი ფიზიკური, მეორე კი ფსიქოლოგიური ძალადობის მსხვერპლია. მათი ურთიერთობა და შეხვედრა სრულდება, იმით, რომ ისინი აანალიზებენ თავიან ცხოვრებას, თავიანთ ყოფას და ძალადობას, რაც მათზე ხორციელდება და ცდილობენ, რომ ამ ძალადობის გააზრების შემდეგ მიაღწიონ თავისუფლებას", – განმარტავს სპექტაკლის რეჟისორი აბა ასლამაზიშვილი.

მესხეთის თეატრის გადაწყვეტილებით, სპექტაკლზე 18 წლამდე პირები არ დაიშვებიან.

„მეც ევთანხმები ამ გადაწყვეტილებას. პირველ რიგში იმიტომ, რომ თემა არის ძალადობა, მარტოობა, სიყვარულის ძიება, ფსიქლოგიური დრამაა. ასევეა ერთმანეთთან ლტოლვის ნიშნები, გამოყენებულია ქუჩური ტექსტები", – ამბობს რეჟისორი.

სპექტაკლი მესხეთის თეატრში 19, 20 და 21 ნოემბერს გაიმართება. დასაწყისი 19:00 საათი, ბილეთის ფასი ხუთი ლარია.

[sknews.ge]