მესხეთის თეატრში პრემიერა გაიმართება

პრემიერა, სახელწოდებით "ვთამაშობთ მეგობრულ ოჯახს" მარკ კამელოტის პიესის მიხედვით დაიდგა. სპექტაკლის რეჟისორი ნინო სოქაძეა.

"ეს არის კომედია, რომელზეც ბევრს იცინებთ", – ასე აფასებს სპექტაკლს მესხეთის თეატრის სამხატვრო ხელმძღვანელი ლია სულუაშვილი და ამატებს, რომ მათი გადაწყვეტილებით პრემიერაზე 15 წლამდე ასაკის მოზარდები არ დაიშვებიან.

სპექტაკლი ოჯახურ ცხოვრებაზეა, სადაც წარმოდგენილი იქნება თავისუფალი ურთიერთობები, სიყვარული, ტყუილი და სხვა ოჯახური ინტრიგები.

პრემიერა 19:00 საათზე დაიწყება. ბილეთის ფასი 4 ლარია.

სპექტაკლი ახალციხის მუნიციპალიტეტის მერიის ფინანსური მხარდაჭერით დაიდგა.

[თორნიკე ზაზაძე, ახალციხე]