'გადაგდებული პორტრეტი' – პრემიერა მესხეთის თეატრში

მცირე სცენაზე პრემიერა 10 ოქტომბერს გაიმართება. სპექტაკლის რეჟისორი ვახტანგ ბერიძეა, პიესა ირმა ტალავიძეს ეკუთვნის.

წარმოდგენა 80 წელს გადაცილებული, ერთ დროს საქვეყნოდ აღიარებული მსახიობის, ეკატერინეს ცხოვრებას აღწერს: "სცენარში ასახულია სხვადასხვაგვარი სიყვარულის, ერთგულებისა და ძიების ამბები", – ამბობს ბერიძე.

სპექტაკლში ეკატერინეს როლს მსახიობი გალინა ხვიჩია თამაშობს.

ეს სპექტაკლი, მესხეთის თეატრის სცენაზე რეჟისორ ვახტანგ ბერიძის მეორე ნამუშევარია. პირველად, 2013 წელს, მან დათო ტურაშვილის "დოდოს მოლოდინში" დადგა.

[თაკო ფეიქრიშვილი, ახალციხე]