‘ზოოპარკის ისტორია’ – პრემიერა მესხეთის თეატრში

დამდგმელი რეჟსორი თბილისიდან მოწვეული საბა ასლამაზიშვილია, რომელიც უკვე ორი კვირაა, რაც მესხეთის თეატრში პრემიერაზე მუშაობს. პრემიერის თარიღი ჯერ კიდევ არაა ცნობილი, სავარაუდოდ ნოემბრის ბოლოს გაიმართება.

სპექტაკლში მხოლოდ ორი მსახიობი ანდრია ვაჭრიძე და ლექსო ჩემია ითამაშებენ. წარმოდგენა ფსიქოლოგიური დრამაა აბსურდის ელემენტებით.

„თბილისიდან მოვიწვიეთ ახალგაზრდა ნიჭიერი რეჟისორი. სპექტაკლი ორი ადამიანის ურთიერთობაზეა“, – გვითხრა მესხეთის პროფესიული დრამატული თეატრის დირექტორმა ირაკლი ათუნაშვილმა.

პრემიერაზე დასასწრები ბილეთის ფასი ხუთი ლარია.

[მარიამ ბარძიმაძე, ახალციხე]