მესხეთის თეატრში პრემიერა ‘რაც გინახავს, ვეღარ ნახავ’ გაიმართება

„გვინდოდა, რომ კომედიური ჟანრის სპექტაკლი დაგვედგა და მაყურებელი აღარ დაგვემძიმებინა. ისედაც მძიმე ყოფითი ცხოვრება გვაქვს და ამიტომ გადავწყვიტეთ ხალხი გაგვეხალისებინა“, – ამბობს რეჟისორი მაია ჩართოლანი.

მისი თქმით, დღევანდელ სპექტაკლზე სათამაშოდ მსახიობები მოწვეულები არიან თბილისიდან და მათი ნაწილი სცენაზე პირველად დადგება. პირველად იღებს მონაწილეობას წარმოდგენაში ანსამბლ „მესხეთის“ ქორეოგრაფი ლევან ქიმერიძეც.

„ერთ-ერთი ყარაჩოღელის, როლს ვთამაშობ სახელად სოსანა ჰქვია. სპექტაკლში სხვა ცეკვებიც ჩემი დადგმულია“, – ამბობს ქიმერიძე.

პრემიერის ბილეთის ღირებულება ოთხი ლარია.

[თორნიკე ზაზაძე, ახალციხე]