'ზამთარი მაგიდის ქვეშ' – მესხეთის თეატრში პრემიერაა

სპექტაკლი რუმინელ ემიგრანტზეა, რომელიც ფრანგ ქალთან ერთად ცხოვრობს. მოქმედება სცენაზე მდგარ გამჭვირვალე მაგიდის ქვეშ ვითარდება.

„ეს არის სრულიად ახალი ხედვა, მე ასეთ რეჟისორთან არასდროს მიმუშავია. ეს არის სპექტაკლი, რომელიც თავისით გაჩნდა“, – ამბობს მესხეთის თეატრის მსახიობი ლექსო ჩემია.

მისი თქმით, მსახიობებს დიდი სურვილი აქვთ, სპექტაკლი „ზამთარი მაგიდის ქვეშ“ არამარტო ქართველმა, არამედ უცხო ქვეყნის მაყურებელმაც ნახოს.

მესხეთის სახელმწიფო დრამატულ თეატრში პრემიერა 29 და 30 ივნისს, 19:00 საათზე დაიწყება. ბილეთის ფასი 3.50 ლარია.

აღსანიშნავია, რომ სპექტაკლზე 16 წლამდე ასაკის მოზარდები არ დაიშვებიან.

[ვარლამ წიკლაური, ახალციხე]