"ოცნება" ახალციხის სოფლების შემოვლას აგრძელებს(R)

"ქართული ოცნების" ახალციხის შტაბის წარმომადგენლებმა ბოლო 9 წლის განმავლობაში ქვეყანაში განვითარებული მოვლენები დღეს მუგარეთსა და ფერსაში მცხოვრებლებთან შეაჯამეს. შემდეგ მარგველაშვილის ოპონენტების შესახებ ისაუბრეს და შეკრებილებს ქვეყანაში „ოცნების“ ხელისუფლებაში მოსვლიდან დღემდე განხორციელებული ცვლილებები შეახსენეს.

შტაბის წევრებმა „ნაციონალების“ ხელისუფლებიდან წასვლის დღიდან დღემდე შეწყვეტილ ტერორსა გააკეთეს აქცენტი. მათი თქმით, მნიშვნელოვნად წაიწია წინ სოფლის მეურნეობამ, რადგან საგაზაფხულო ბარათები ათასობით ადამიანმა მიიღო. ასევე, შეიცვალა შრომის კოდექსი, უფასო გახდა მშობიარობა და სასკოლო წიგნები.

ახალციხის შტაბის წევრებმა მოსახლეობას ბოლო ერთი წლის განმავლობაში ახალციხის მუნიციპალიტეტში განცორციელებული, მიმდინარე და სამომავლოდ დაგეგმილი პროექტებიც გააცნეს. ბოლოს კი ამომრჩეველს კოალიცია „ქართული ოცნების“ კანდიდატის გიორგი მარგველაშვილის საარჩევნო პროგრამა და დაპირებები შეახსენეს.

„ახალციხის მუნიციპალიტეტის ყველა სოფელი უნდა მოვიაროთ. დაახლოებთ 10 დღის სამუშაო ჯერ კიდევ დაგვრჩა. არჩევნებამდე ყველა სოფელში მივალთ“, - გვითხრა კოალიცია „ქართული ოცნების“ ახალციხის შტაბის ხელმძღვანლემა მალხაზ ჟუჟუნაძემ.

[sknews.ge]