რუსთავი 2: ანტიკორუფციულმა ახალციხის მერის საქმეზე ძიება დაიწყო

"საერთაშორისო გამჭვირვალობა საქართველომ" ახალციხის მუნიციპალიტეტის მერის, ზაზა მელიქიძის შესახებ კვლევა, 15 ივლისს გამოაქვეყნა, სადაც ნათქვამია, რომ თვითმმართველობის ხელმძღვანელად ზაზა მელიქიძის მოსვლის შემდეგ, მისმა კომპანიებმა 29-დან 15 ტენდერი მოიგეს. ხშირ შემთხვევაში, მისი კომპანიები ტენდერში მონაწილე მხოლოდ ერთადერთი პრეტენდენტები იყვნენ. მელიქიძესთან დაკავშირებულმა კომპანიებმა „მელიზამ” და „მესხეთი XXI”-მა, 2015-2019 წლებში 15 ტენდერი მოიგეს, მათ შორის, ყველაზე მეტი, რვა ტენდერი – 2016 წელს.

საერთო ჯამში, მათ მიერ მიღებულმა თანხამ 528 123 ლარი შეადგინა, საიდანაც 514 341 ლარი ახალციხის გამგეობა/მერიისა და მათი შპს/ა(ა)იპებ-ისგან მიღებული თანხებია.

სუს–ის ანტიკორუფციულმა სააგენტომ ზაზა მელიქიძის საქმის შესწავლა "საერთაშორისო გამჭვირვალობა საქართველოს" მიერ გამოქვეყნებული კვლევის შემდეგ მალევე დაიწყო.

რა ეტაპზე იყო კვლევის პროცესი, ან დაიწყო თუ არა გამოძიება – ამ საკითხზე "სამხრეთის კარიბჭემ" ანტიკორუფიულ სააგენტოში რამდენჯერმე დარეკა, თუმცა პასუხი ვერ მივიღეთ.

[sknews.ge]