ახალციხეში ვეტერანების დღეს აღნიშნავენ

ახალციხის მერიაში აცხადებენ, რომ მუნიციპალიტეტის მასშტაბით, ერთჯერადი ფულადი დახმარება გაეწია 11 ვეტერანს. მათ შორის,მნიშვნელოვნად გამოხატული შშმ პირის სტატუსის მქონე 10 ვეტერანს 200 ლარი გადაეცა, ხოლო მკვეთრად გამოხატული შშმ პირის სტატუსის მქონე ერთ ვეტერანს 250 ლარი: „გარდა ამისა, მათ ყოველთვიურად ერიცხებათ ფულადი დახმარება მუნიციპალიტეტისაგან“.

ვეტერანთა დღისადმი მიძღვნილი ღონისძიება ახალციხის მერიაში ახალციხელ ვეტერანებს შორის ნარდში შეჯიბრით გაგრძელდა, გამარჯვებულებს მერიისგან სიმბოლური საჩუქრებიც გადაეცათ.

მემორიალთან შეკრებილებმა ყვავილებით შემკობის შემდეგ მერიის შენობაში გადაინაცვლეს, სადაც ვეტერანები ერთმანეთს ნარდის თამაშში შეეჯიბრებიან.

საქართველოში ვეტერანის დღე 2014 წლიდან აღინიშნება. 1995 წლის 17 ოქტომბერს საქართველოს პარლამენტმა მიიღო კანონი „ომისა და სამხედრო ძალების ვეტერანთა შესახებ“, რაც შემდგომში ვეტერანის დღის დაწესების საფუძველი გახდა. ვეტერანების საქმეთა სახელმწიფო სამსახურის ორგანიზებით 17 ოქტომბერს სხვადასხვა სახის ღონისძიება იმართება.

[რობი ზარიძე, ახალციხე]