ერთჯერადი დახმარებები შშმ ვეტერანებს

ახალციხის მერია, ქვეყნის ტერიტორიული მთლიანობისათვის მებრძოლ შეზღუდული შესაძლებლობის მქონე 6 პირს, ერთჯერადად, 200 ლარის ოდენობის თანხას ჩაურიცხავს.

ასევე 200 ლარის ოდენობის ერთჯერადი დახმარება გადეცემა 3 შშმ ვეტერანს ახალციხის მუნიციპალიტეტის გამგეობისაგან.

ასპინძის თვითმმართველობისგან, სამშობლოს ტერიტორიული მთლიანობისათვის მებრძოლ 9 შშმ პირს 250 ლარი, ხოლო დაღუპულთა 8 ოჯახს 200-200 ლარი გადაეცემა.

ბორჯომის გამგეობამ შშმ ვეტერანებისათვის 4.400 ათასი ლარი გამოყო. სამშობლოს ტერიტოიული მთლიანობისათვის მებრძოლ 44 ბენეფიციარს 100 ლარის ოდენობის ერთჯერადი დახმარება დაერიცხება.

რაც შეეხება ნინოწმინდის მუნიციპალიტეტს, გამგეობისაგან 32–მა ვეტერანმა 100 ლარის ოდენობის ფულადი თანხა მიიღო.

„ჩვენ შშმ ვეტერანები არ გვყვავს, ამიტომ, გადავწყვიტეთ, თანხა მიგვეცა მათთვის, ვინც ტერიტორიული მთლიანობისთვის იბრძოდა“, -ამბობს მუნიციპალიტეტის გამგეობის ადმინისტრაციული სამსახურის უფროსი სამსონ ფნჯოიანი.

დამოუკიდებლობის დღესთან კავშირში ერთჯერადი დახმარება არ გაუცია ადიგენის გამგეობას.

„ჩვენ შეზღუდული შესაძლებლობის მქონე ვეტრანი საერთოდ არ გვყვავს, ამიტომ ფულადი თანხა არავისთვის მიგვიცია“, - განაცხადა ადიგენის მუნიციპალიტეტის გამგებელმა ზაქარია ენდელაძემ.

რაც შეეხება ახალქალაქს, გასცა თუ არა ვეტერანებისათვის ერთჯერადი დახმარება მუნიციპალიტეტმა, გამგებელმა ედვარდ აღასარიანმა კითხვაზე „სამხრეთის კარიბჭეს“ არ უპასუხა.

[ლუბა გიორგაძე, ახალციხე]