'ტაო' VS 'არმია' ®

„ტაო“ პირველი ლიგის მეექვსე ტურის ფარგლებში, „მესამეადგილოსან“ გუნდს შეებრძოლება. მიუხედავად იმისა, რომ „არმია“ მხოლოდ ერთი ადგილით უსწრებს „ტაოს“, მათ მიერ დაგროვილ ქულათა სხვაობა მაინც დიდია.

„არმიას“ 24, ხოლო „ტაოს“ კი 13 ქულა აქვს. ბოლო ორი თამაშის განმავლობაში „ტაოს“ ძლიერ გუნდებთან უწევს თამაში, თუმცა კლუბის პრეზიდენტი ირაკლი გვენეტაძე ამბობს, რომ ეს გუნდისთვის დიდი გამოცდილების მომტანია: „არმიაც ძლიერი გუნდია. მოგებას არ ველოდებით. თუმცა, გულშემატკივრებს ვპირდებით, რომ ხარისხიან თამაშს ვაჩვენებთ და ღირსეულ წინააღმდეგობას გავუწევთ მოწინააღმდეგეს“.

ასპინძის სარაგბო კლუბის კაცთა გუნდი, პირველ ლიგაში 2018 წლის მაისიდან ასპარეზობს. წინა სეზონი, „ტაომ“ მეოთხე ადგილით დაასრულა. მათი 2019–20 წლის პროგრამა მაქსიმუმი კი, პირველი ლიგის ათეულში, მესამე ადგილის დაკავებაა.