‘ტაოს’ vs ’არწივები’– საშინაო მატჩი ასპინძაში ®

ოზურგეთის გუნდი „არწივები“ I ლიგის სატურნირო ცხრილში, IX ადგილს იკავებს. ხოლო „ტაო“ კი, ამ ეტაპისთვის VI ადგილზეა.

„პრინციპული თამაში გველის მეტოქესთან და მაქსიმალურად ვემზადებით, რომ გამარჯვება მოვიპოვოთ. შემოდგომის სეზონი რთული აღმოჩნდა გუნდისთვის, რადგან ბევრი დაშავებული მოთამაშე გვყავდა. თუმცა, გაზაფხულის სეზონი წინ გვაქვს და ვფიქრობთ, უკეთეს შედეგებს ვაჩვენებთ“, ამბობს სარაგბო კლუბ ტაოს პრეზიდენტი, ირაკლი გვენეტაძე.

I ლიგის, შემოდგომის გათამაშება 2019 წელს 15 დეკემბერს დასრულდება. მომდევნო წლის შეხვედრები კი, თებერვალში განახლდება.