'ტაომ' პირველი ლიგის პირველ თამაშში გამარჯვება მოიპოვა

სამცხე–ჯავახეთის გუნდ "ტაოსა" და ქუთაისის "ბაგრატს" შორის შეხვედრა დღეს, 6 ოქტომბერს, ასპინძაში გაიმართა. "ტაოს" სპორტსმენებმა მოწინააღმდეგე 42:10 ანგარიშით დაამარცხეს.

"ძალიან პრინციპული იყო ეს გამარჯვება ჩვენთვის, იმიტომ, რომ პირველად მოვხვდით პირველ ლიგაში, „ბაგრატი“ კი უკვე უმაღლესი ლიგის მოთამაშე იყო და ამ წელს გამოვარდა უმაღლესი ლიგიდან. შესაბამისად, იმითი გამოცდილება და პროფესიონალიზმი უფრო მაღალი უნდა ყოფილიყო", – ამბობს სარაგბო კლუბ "ტაოს" პრეზიდენტი, ირაკლი გვენეტაძე.

ეს პირველი ლიგის პირველი თამაში იყო, მომავალი შეხვედრა კი კვლავ ასპინძაში, 13 ოქტომბერს გაიმართება. ამჯერად, "ტაო" თბილისის "იუნკერებს" დაუპირისპირდება.

პირველი ლიგის ფარგლებში, სარაგბო კლუბი შემოდგომით ცხრა თამაშს გამართავს, გაზაფხულზე კი ხუთი ექნება – "პირველ ლიგაში სულ რვა გუნდი თამაშობს, შესაბამისად, სულ 14 თამაშია, შინ და გარე პრინციპით", – განმარტავს "ტაოს" პრეზიდენტი.



[თაკო ფეიქრიშვილი, ასპინძა]