'ტაომ' ჭიათურის გუნდს მოუგო

"ტაოსა" და ჭიათურის გუნდს შორის თამაშს დღეს, 28 აპრილს, ჭიათურამ უმასპინძლა. მატჩი თემურ მაღრაძის სახელობის ცენტრალურ სტადიონზე, 15:00 საათზე დაიწყო.

"ტაოს" რაგბისტებმა მოწინააღმდეგეს 11 ქულიანი უპირატესობით სძლიეს.

"საკმაოდ მძიმე თამაში იყო, ვაჟკაცური და ძალიან მებრძოლია მოწიააღმდეგე გუნდი და ბოლომდე ბრძოლა იყო საჭირო", – ამბობს სარაგბო კლუბ "ტაოს" პრეზიდენტი ირაკლი გვენეტაძე.

ვინ გადავა პირველ ლიგაში, "ტაოსა" და ჭიათურის გუნდის ორმატჩიან დაპირისპირებაში უნდა გაირკვეს. მათგან ერთი დღეს "ტაომ" მოიგო, მერე კი ხუთ მაისს, ასპინძაში გაიმართება, სადაც "ტაო" და ჭიათურის გუნდი ერთმანეთს კიდევ ერთხელ დაუპირისპირდებიან. წარმატებული გუნდი პირველი ლიგის საგზურს მოიპოვებს, დამარცხებულს კი ზედა ლიგაში ასვლაზე პაექრობა პირველი ლიგის მე-9 ადგილოსან "ივერიასთან" მოუწევს.

"ჯერ პირველ ლიგაში არ გადავსულვართ, საპასუხო თამაში გვაქვს შაბათს. პირველ ლიგაში გადასვლა ქულებზეა დამოკიდებული, დღეს ჩვენ 11 ქულიანი უპირატესობით მოვიგეთ. შესაბამისად, ჭიათურამ მომავალი თამაში უნდა მოიგოს 12 ქულიანი უპირატესობით, რომ ის გამოვლინდეს გამარჯვებულად. თუმცა გპირდებით, რომ ამ თამაშს ჩვენ მოვიგებთ", – აცხადებს ირაკლი გვენეტაძე.

[თაკო ფეიქრიშვილი, ახალციხე]