თამბაქოს მოწევაზე რეგულაციები დაწესდება

შრომის, ჯანმრთელობისა და სოციალური დაცვის მინისტრის, დავით სერგეენკოს თქმით, საზოგადოების თავშეყრის ადგილებში თამბაქოს მოწევის შესახებ კანონპროექტი მუშავდება. საბოლოო ვარიანტის მიღებამდე მხოლოდ 2 ტექნიკური საკითხია დასაზუსტებელი, რის შემდეგაც, უახლოეს მომავალში, მოწევაზე ახალი რეგულაციები ამოქმედდება.

"თამბაქოს კონტროლის შესახებ კანონი არსებობდა, თუ არ ვცდები 2010 წლიდან. არ იყო განსაზღვრული ამ კონტროლის ადმინისტრირების საკითხები. ამ მხრივ რამდენიმე ათეული, შეიძლება 100-მდე საკითხი იყო დასაზუსტებელი: ვის, როგორ, გარდამავალი შეზღუდვა, ნაწილობრივი შეზღუდვა და ა.შ. უკლებლივ ყველას გაეცა პასუხი, რჩება 2 ტექნიკური საკითხი, რომელზეც, ვფიქრობ, მალე დასრულდება მუშაობა და ეს რეგუილირება უკვე ამოქმედდება",- განაცხადა დავით სერგეენკომ.

ამ ეტაპზე, თაბაქოს მოწევა სრულად არის აკრძალული საავადმყოფოებში, სკოლებსა და სხვა სასწავლო დაწესებულებებში.

[Sknews.ge]